ისტორია:
ხელოვნების საერთაშორისო ცენტრი კულტურის ენთუზიასტების ჯგუფმა 1995 წელს დააარსა, რათა ხელი შეეწყოთ საბჭოთა სისტემის დაშლის შემდეგ საქართველოში კულტურის სექტორის აღდგენის და განვითარებისთვის. მას შემდეგ ცენტრის მოღვაწეობა ეძღვნება სექტორის რეაბილიტაციას, ახალი კონცეფციების დანერგვას და საერთაშორისო თანამშრომლობის ხელშეწყობას.
ხელოვნების საერთაშორისო ცენტრს ჰყავს ერთი შვილობილი ორგანიზაცია - სოციალური საწარმო ისტორიალი. ასევე, მხატვრული რეწვის სექტორის ინსტიტუციონალური გაძლიერების მიზნით, მან დააფუძნა საქართველოს ტრადიციული რეწვის ასოციაცია, რომელიც ამჟამად მოქმედებს როგორც დამოუკიდებელი ორგანიზაცია.
ცენტრი არის ხატვრული რეწვის საბჭო-ევროპის წევრი, იუნესკოს 2003წ. კონვენციის აკრედიტირებული ა(ა)იპ.
ხედვა:
შემოქმედებითი ეკონომიკა, რომელიც ეფუძნება კულტურულ მემკვიდრეობას და განმტკიცებულია ინოვაციით და ახალი ტექნოლოგიებით დღევანდელი საზოგადოების მდგრადი განვითარების რეალურ გზას წარმოადგენს.
მისია
- საქართველოს მატერიალური და არამატერიალური კულტურული მემკვიდრეობის დაცვა, ხელშეწყობა და მდგრადი გამოყენების უზრუნველყოფა.
- საქართველოში შემოქმედებითი ინდუსტრიის განვითარების ხელშეწყობა. ამ მიმართულებით ცენტრის ძირითადი ფოკუსი გამოცდილებითი ტურიზმი და მხატვრული რეწვაა.
- კულტურული ინსტიტუციების, კულტურის და ტურიზმის სფეროში მოღვაწე მეწარმეების ეკონომიკური მდგრადობის ხელშეწყობა.
- საერთაშორისო კავშირების და კულტურული გაცვლების განვითარება.
- შემოქმედებითი ინდუსტრიის სხვადასხვა სექტორში, მათ შორისო მხატვრულ რეწვაში, გამოცდილებით ტურიზმსა და საგამოფენო საქმიანობაში, ინოვაციური მიდგომების დანერგვა.
50
მეტი
პროექტი
300
მეტი
გამოფენა
15
მეტი
კონფერენცია
აქტივობები
ხელოვნების საერთაშორისო ცენტრის მოქმედების სფეროა საქართველოს მთელი ტერიტორია, თუმცა ცენტრს აქვს რეგიონალური პროექტების გამოცდილებაც. მისი ძითადი საქმიანობა მოიცავს:
- პოლიტიკის და სტრატეგიული განვითარების გეგმების შემუშავებაში მონაწილეობა;
- კულტურის სექტორის ინსტიტუციური ბაზის განვითარება;
- კვლევების განხორციელება;
- არაფორმალური განათლება და საგანმანათლებლო მასალების შემუშავება;
- ბაზრის განვითარება და პროდუქციის მარკეტინგი ადგილობრივ და საერთაშორისო ბაზრებე;
- საერთაშორისო გაცვლები და გამოცდილების გაზიარება;
- საგამოფენო საქმიანობა.
