პარტნიორები: ირლანდიის მხატვრული რეწვის საბჭო, ირლანდია (წამყვანი პარტნიორი); არტექსი, იტალია; მხატვრული რეწვის საბჭო, დიდი ბრიტანეთი; ლიმერიკის ტექნოლოგიების ინსტიტუტი, ირლანდია; მხატვრული რეწვისა და მემკვიდრეობის პროფესიული სასწავლო ცენტრი, პორტუგალია; ინდუსტრიული ორგანიზაციის სკოლა, ესპანეთი; ნიდერლანდების მხატვრული რეწვის საბჭო, ნიდერლანდები; უკრაინის მხატვრული რეწვის პალატა, უკრაინა; ხელოვნების საერთაშორისო ცენტრი, საქართველო.

პროექტი შემუშავდა ევროპის ხელოსნობის სექტორში შესაძლებლობების განვითარების საჭიროებიდან გამომდინარე. მისი ძირითადი აქცენტი მიმართული იყო სისტემური გამოწვევების გადაჭრისკენ, რომლებიც გამოვლინდა 17 ევროპულ ქვეყანაში ჩატარებული კვლევების შედეგად. ამ კვლევებმა გამოავლინა ოთხი ძირითადი სისტემური გამოწვევა:
ღირებულება: ხელოსნობის სექტორის კულტურული გავლენისა და ეკონომიკური ღირებულების დეტალური ანალიზისა და კვლევის ნაკლებობამ ცოდნის ხარვეზი და სექტორის არასაკმარისი აღქმა გამოიწვია.
იდენტობა, განსაზღვრება და ხილვადობა: ხელოსნობის სექტორის საერთო, გაძლიერებული იდენტობა და განსაზღვრებაა საჭირო, რათა გაიზარდოს ხილვადობა და ცნობადობა კულტურულ და შემოქმედებით სფეროებში, ფართო საზოგადოებაში და სახელმწიფო და საკანონმდებლო ორგანოებში.
განათლება და ტრენინგი: მომავალი თაობების მოზიდვა და ჩართვა კვალიფიციური ხელოსანი პრაქტიკოსების რიგებში, ძირითადი ხელოსნური უნარების შენარჩუნება და ახალი ტექნოლოგიების ათვისება მნიშვნელოვანი გამოწვევებია.
ინფრასტრუქტურა და მხარდაჭერა: გაუმჯობესებული წვდომა მხარდაჭერაზე და ინფრასტრუქტურაზე, როგორიცაა ფინანსები, პროფესიული პრაქტიკის ტრენინგი, კომერციალიზაციის შესაძლებლობები და საგამოფენო და სავაჭრო პლატფორმები, აუცილებელია.

პროექტის მიზანი სფეროში შესაძლებლობების განვითარება იყო და თავისი საქმიანობა შეუსაბამა "შემოქმედებითი ევროპის" პრიორიტეტებს, რათა გაეძლიერებინა შემოქმედებითი მცირე და საშუალო საწარმოების და ორგანიზაციების ფინანსური შესაძლებლობები ტრანსნაციონალური თანამშრომლობისა და პოლიტიკის შემუშავების გზით. კონკრეტული პრიორიტეტები მოიცავდა: ტრანსნაციონალური პოლიტიკური თანამშრომლობის მხარდაჭერა პოლიტიკის შემუშავების ხელშეწყობისთვის; შესაძლებლობების განვითარების ხელშეწყობა ინოვაციური მიდგომებით; ახალი უნარების შესწავლის ხელშეწყობა.