განხორციელების პერიოდი: 2014-2015
დამფინანსებელი: აშშ საელჩო საქართველოში
ძეგლის შესახებ: დადიანების სასახლეთა ისტორიულ-არქიტექტურული მუზეუმი მდებარეობს დასავლეთ საქართველოში, ქალაქ ზუგდიში. სამუზეუმო კომპლექსი შედგება სამეგრელოს დედოფლის ეკატერინე ჭავჭავაძე-დადიანისა და თავად ნიკო დადიანის სასახლეებისაგან (70-იანი წლები), კარის ეკლესიისა და დადიანების მიერ გაშენებული ბოტანიკური ბაღისაგან. მუზეუმის კოლექცია მრავალფეროვანია და მოიცავს: ძვწ. I ს. - ახ წ. ანტიკური საბერძნეთისა და ძველი კოლხეთის კულტურის ამსახველი არქეოლოგიურ მასალას, ქრისტიანული სიწმინდეების კოლექციას, ევროპული გამოყენებითი ხელოვნების ნიმუშებს, სამეგრელოს მთავართა, საფრანგეთის (მათ შორის განსაკუთრებით მრავლადაა ნაპოლეონ ბონაპარტეს სახელთან დაკავშირებული ნივთები), რუსეთის, ესპანეთის საიმპერატორო ოჯახის წევრთა რელიქვიებს, XV-XIX-ს-ის ხელნაწერ წიგნებს და სიგელ-გუჯრებს, ნაპოლეონ ბონაპარტესა და დადიანების ბიბლიოთეკას, ევროპული და აზიური საბრძოლო იარაღების ნიმუშებს, რუსი ”პერედვიჟნიკების”, ფრანგი ბატალისტებისა და ინგლისელი ”მარინისტების” ფერწერული ტილოებს, ფოტოფონდს, ფრანგული, გერმანული, ჩინური, რუსული წარმომავლობის ბროლის, ფაიფურ-ფაიანსის ჭურჭელს და სხვა.
პროექტის მიზანი: ეკატერინეს სასახლის კომპლექსური კვლევის განხორციელება და მისი რეაბილიტაციის არქიტექტურული პროექტის შემუშავება.
განხორციელებული ქმედებები: ანაზომები და ფოტოფიქსაცია; სახელოვნებათმცოდნეო კვლევა; ზოგადი მდგომარეობის კვლევა და ტექნიკური რეკომენდაციების შემუშავება; სამშენებლო მასალების კვლევა და ქვის მდგომარეობის დიაგნოსტიკა; ფერის კვლევა; აღნიშნული კვლევების საფუძველზე შემუშავდება ეკატერინეს სასახლის რეაბილიტაციის არქიტექტურული პროექტი.