ყინწვისის წმ. ნიკოლოზის ტაძრის დიაგნოსტიკური კვლევა და გადაუდებელი საკონსერვაციო სამუშაოების განსაზღვრა
განხორციელების პერიოდი: 1998-2000
დამფინანსებელი: ფონდი ღია საზოგადობა - საქართველო, კულტურული მემკვიდრეობის დაცვის ფონდი, მსოფლიო ბანკი/ Italian Trust Fund
პარტნიორები: ხელოვენების საერთაშორისო ცენტრი, Conservatione Beni Culturali (იტალია)
ძეგლის შესახებ: XII-XIII საუკუნეების მიჯნაზე შექმნილი ყინწვისის ფრესკები ქართული მონუმენტური ფერწერის ერთ-ერთი უმნიშვნელოვანესი ნიმუშია. ფრესკები გამოირჩევა მაღალი მხატვრული შესრულებით და ქართული ხელოვნებისთვის დამახასიათებელი ინდივიდუალობით. ეს კარგად ჩანს თამარ მეფის და სამეფო ოჯახის წევრების პორტრეტებში, სახარების სცენებში. რთული და გააზრებული იკონოგრაფიული პროგრამა ღრმა თეოლოგიურ ცოდნაზე მიუთითებს. ყინწვისის ფრესკები თავისი მნიშვნელობით სცილდება ქართული ეროვნული ღირებულებების საზღვრებს და აღმოსავლეთ ქრისტიანული სამყაროს ხელოვნების ისტორიის ფარგლებში ექცევა.
განხორციელებული სამუშაოები: პროექტი წარმოადგენდა ფართომასშტაბიანი პროექტის პირველ ეტაპს და მიზნად ისახავდა ყინწვისის წმ.ნიკოლოზის ტაძრის დაზიანებების კვლევას და საკონსერვაციო ღონისძიებების შემუშავებას.